كل الوطن- وكالات : في أول زيارة من نوعها، زار الرئيس المصري عبد الفتاح السيسي المسيحيين الأرثوذكس بزيارة في مقر الكاتدرائية القبطية في القاهرة يوم الثلاثاء أثناء قداس عيد الميلاد لدى المسيحيين الشرقيين وألقى كلمة قصيرة هنأهم فيها بالعيد. ويعد حضور السيسي للقداس فى احتفال عيد الميلاد حسب التقويم الأرثوذكسي للأقباط هو الأول من نوعه لرئيس مصري، فقد اعتاد الرؤساء المصريون أن يوفدوا من ينوب عنهم لحضور القداس. نص كلمة الرئيس السيسى: كان ضرورى أن أحضر وأقولكم كل سنة وأنتم طيبين، وأرجو أن أكون مقطعتش عليكم الصلاوات، عاوز أقولكم على حاجة مصر على مدى آلاف السنين علمت الإنسانية والحضارة، والعالم منتظر من مصر برضوا فى العام اللى احنا فيه واحنا كمان بنحبكم. وأشكر قداسة البابا، مهم جدا أن الدنيا تشوفنا مينفعش حد يقول غير كده احنا المصريين احنا بنتكلم كلام بنسطر للعالم دلوقتى وبنفتح طاقة أمل على آلاف السنين علمت الحضارة للعالم والحضارة انطلقت للعالم كله ولازم نقول احنا المصريين. وعاوز أقولكم أن احنا إن شاء الله هنبنى بلدنا مع بعض وهنسمع بعض وهنحب بعض كويس وهنحب بعض بجد علشان الناس تشوف عموما عاوز أقولكم عام سعيد عليكم وعلى المصريين كلهم وكل سنة وأنتم طيبين جميعا وكل سنة وأنتوا طيبين وقداسة البابا وأنا مش هقدر أقعد أكتر من كده.