* الاخ العزيز معوكس: يقول احمد عيد سندرس جميع القضايا بكل شفافيه وش يقصد؟!! معاذ الحميد - مرات - أي ابو شفافية وبعض الناس جاب العيد بتغريدة ولاحس ولاخبر! * حبيبنا معوكس: بشر عساهم لقوا الكروت الضائعة.. واتخذوا القرار اللازم حيالها.. واذا ما لقوها علمنا ترى عندما واحد ينبشها من وسط الدرج؟ راشد الدوسري - الخبر - يقولون استعانوا بطائرات الدفاع المدني خاصة أن له خبرة بشرخ المدرج والنقل الشهير! * تحياتي يامعوكس: خبرنا عن علوم لجنة الاحتراف عقب اجماع الاعضاء على تميز عملها.. وقل لاصحاب البربسة الاعلامية حركاتكم مكشوفة؟ يوسف الرشيد - الرياض - الا خبرني عن علوم بعض الناس اللي داخوا وسقطوا بضربة البرقان القاضية! * الاستاذ ابو العواكيس: هالحين اللي يتبلى على اللجان ويتهمهم بعدم المصداقية.. ليش مايكون صادق.. صراحة اللي سواه تدليس المفروض يحاسب عليه؟ خالد العبدالله- تبوك - فاقد الشيء لايعطية والعتب على الفكر والثقافة! * الصديق معوكس وش سر اصرار بعض الاعلاميين على اقالة المدرب الاسباني لوبيز والتعاقد مع كارينيو.. هل هذا حرص على المنتخب أم ماذا؟.. اجبنا بكل شفافية؟ محمد الفهد - عرعر - حرص على الدفع الرباعي! * الاستاذ معوكس هل تظن ان الهلال سيتجاوز مرحلة التخدير التي يحاول البعض ان يلبسها اللاعبين والمدرب واشعارهم بأن البطولة الآسيوية في متناولهم؟ بدر الحميد - جدة - ابداً ممثل الوطن سيتجاوز وتبي تشوفه في المغرب مع العالميين باذن الل! * العزيز ابو العواكيس.. وش السالفة مابقت الا يقود بعض الحكام المباريات بشعار انديتهم بدلًا من بدلة التحكيم.. صحيح اللي اختشوا ماتوا.. وعلى فكرة يقولون بعض الصور مفبركة والا عذر؟ عبدالله التميمي - الرياض - والله اللجنة كنها مصنع تكرير للون واحد! * افا يامعوكس بريدة نامت هادئة بعد خروج التعاون والرائد من كأس ولي العهد.. الله يستر ما يغادرون الاضواء.. فزعتك عطنا الوصفة عشان مايهبطون بس لاتكون مثل وصفات بعض الاطباء الشعبيين؟ خالد الحربي- المدينة المنورة - ما من شافهم استقبل وودع لرجيع الاندية يبي يرجي منافسه ولا مركز متقدم! * الناقد الكبير معوكس وش رايكم باللي يحاضر عن التعصب وهو متعصب وكتب على طاولة (نحو اجيال واعية).. طيب يا أخي قله يوعي نفسه اولًا؟ سعد الدوسري - الرياض -هذا ماعنده وعي وذابحه التعصب! *العزيز معوكس ابنصحك يا صديقي تخلي الزاوية وتتجه لتجارة العقار صدقني تبي تصير مليونير من بيع الاراضي والفلل المفصولة؟ أحمد الحمد - بريدة - والمفصولة وش علمها ولا معدلها ضعيف في الجامعة! *صاحب المليون رسالة ابو العواكيس: ليه مدرب المنتخب زار أحد الأنديه واجتمع مع بعض لاعبيه؟ نواف الصيخان - حي الفلاح - يبي السلامة وأهم ما عليه رزقه لوبغوا ينوم في غرفة عيادة النادي! *الاحلى وخفيف الدم معوكس: وش يذكرك ناصر الشمراني يوم سجل الهدف بيده عقب ماصفر الهذلول بندر العصاي - عنيزه - ماغيرها كبسة دلهوم التاريخية على الشبك! * قاهرهم وحابس دمهم ابوالعواكيس انت شفت وش سوى البرقان يا هو بيان مسكت عز الله انه نشمي ووضع النقاط على الحروف وبرد الكبد حمد الدوسري - ابومبارك - العزيزية - كلن عل همه سرى شكلك يومي والفطور كبده وكلاوي وفول قلابة! *الاستاذ الدكتور معوكس تحية طيبة وبعد: الى متى وبعض المحسوبين على الاعلام يفشلوننا في بعض البرامج الرياضية الخليجية ليه مانشوف محايدين وعقال طرحهم متزن وإيجابي عاشقة الموج الازرق - القصيم - المحايدين والعقال مايصلحون للمسرحيات الكوميدية اللي هدفها الضحك والادوار محفوظة قبل البداية! *الغالي معوكس اقول ياخسارة معقوله الليث الشباب طلع من الخليج في مسابقة كأس ولي العهد انا ما اصدق عاشق الليث - عبودي -لا صدق ونص وهذه نهاية اللي مايحترم خصمه ويدخل الملعب وهو ضامن!