فتحي حلواني كتيير من الحبايب سوا مدخنين أو مدخنات، تلاقيهم أول ما يخلصوا من فطورهم أو يمكن كمان بعد ما ياكلوا التمرة تلاقيهم ولعوا سيجارة وهات يا شفط ونفخ فيها، تلاقيهم مسدوحين جنب السفره لأنه بسلامتهم جسمهم اتخدر من النيكوتين اللي شفطووه، صدقووني يا مدخنين ويا مدخنات ويا معسلين ويا معسلات والله إنها فرصة كبيرة ما تتعوض حاولوا في هدا الشهر الفضيل إنكم تبعدوا عن التدخين وبلاويه قد ما تقدروا وحافظوا على قلوبكم وصدوركم من هدا السم اللي بتشفطوه نهار وليل واللي بهدلكم وبهدل صحتكم وجبلكم الطفر في جيوبكم واحسبوها بينكم وبين نفسكم وشوفوا قد إيش إنتو خسرتوا آلاف الريالات عشان سيجاره نهايتها في الأخير أنها تندعس برجولكم.. ورمضانكم كريم وربي يكتبلكم الصحه والعافية.