أكد الرئيس عبد الفتاح السيسي، رئيس الجمهورية، إنه يحمل رسالة من مصر يريد توصيلها للمصريين كافة، قائلا: مصر بتقولكم أنا أمانة في رقبتكم كلكم، ومتختلفوش أبدًا لأن مفيش سبب يدعونا للاختلاف، ومحدش يضحك عليكم أويخدعكم ويضيع بلدكم. وأضاف السيسي، على هامش الاحتفال بالذكرى الثالثة لثورة 30 يونيو، بدار الأوبرا المصرية، أن مصر سبب في وجود المصريين منذ 7000 عام مضت، مطالبًا إياهم بأن يكونوا سببًا في وجودها 7000 عام مقبلة. وتابع: مصر بتقول لكم، مكاني مش اللي أنا فيه ده، بقى أنا كده عندكم، أنا حجمي أكبر من كده، ومتحوجش لحد وانتوا هنا. وطالب السيسي، المصريين، بضرورة العمل الجاد والإخلاص في العمل، قائلا: مش هناكل ولا ننام عشان مصر تاخد مكانها الحقيقي، اوعوا تنسوا الرسالة دي، أنا بحلم، ومن حقي أحلم لأن مصر مكانها أعز وأكرم من كده. كان الرئيس الرئيس عبدالفتاح السيسي، قد وصل إلى دار الأوبرا، اليوم الأحد، للاحتفال بالذكرى الثالثة لثورة 30 يونيو.