نشرت الفنانة مي عز الدين على صفحتها الشخصية على موقع التواصل الاجتماعي «فيسبوك»، صورتين تعرض من خلالهما معاناة جمهورها وعجزهم عن مشاهدة مسلسلها الرمضاني الجديد «وعد»، بسبب وجود مشاكل تحيط به كمشلكة عدم معرفة بعض الجمهور بالقناة، حيث يعرض المسلسل على قناة «mbc masr 2». حاولت «عز الدين» حل تلك المشكلة من خلال دعوة جمهورها لنشر رقم تردد القناة عبر حساباتهم الشخصية حتى يتم التعارف على القناة بصورة أكبر، كذلك وجهت جمهورها إلى متابعة مسلسلها من خلال المواقع التي تتوفر بها حلقات المسلسل الرمضاني. وقالت «عز الدين»: «طيب أنا قضيت اليومين اللي فاتوا بحاول أطالب إدارة قنوات Mbc مصر بزيادة إعادات المسلسل وعرضه على قناة Mbc مصر كمان لأنه بيتعرض على Mbc مصر 2 فقط، ودي ناس كتير مكانتش تعرفها ولا منزلاها، وهو المسلسل الوحيد (اللي من إنتاج شركة تابعة لهم وبالتالي كان من المنتظر الاهتمام بعرضه على قنواتها الأثنين)، ومع ذلك مش راضيين يخلوه يتعرض على Mbc مصر وسايبينه علي Mbc مصر 2 بس». وتابعت: «في الآخر الرسالة الوحيدة اللي وصلتني إن ده مقصود علشان دي الفرصة إن القناة تتعرف، يعني أنا كده مطلوب مني أقوم قناة لوحدي، تمام وأنا بقول لـmbc قبلت المسؤولية وبإذن الله ربنا يكرم والقناة والمسلسل يتشافوا، والحمدلله فيه علامات باينة من كم الإعلانات اللي جه من بعد أول حلقة للمسلسل وغيره، وأنا هعتبره امتحان يعرفني قدري عند الناس، وهل فعلا بيحبوا مسلسلاتي أو لا، ونسبة الجماهيرية اللي وصلتها قد إيه». واستكملت: «مع إني مهما كان لي جمهور أكيد كنت أتمنى إني أتشاف من الناس اللي مش من جمهوري، لأن ساعات بتكون كمشاهد ملكش في ممثل، لكن لو قابلت حلقة لمسلسله بالصدفة وعجبتك بتقرر تتابعه وده في الآخر بيبقي خلاني كسبت مشاهد جديد بقى بيحب يتفرج على أعمالي، وده طبعًا مش هيحصل السنة دي لأن مفيش حد بيبقي معدي وبيشوف القناة دي بالصدفة، الناس لسه أصلا بتتعرف على طريقها من خلالنا وبينزلوها». واستطردت: «قدر الله وما شاء فعل وبالتالي عندي طلبين أولا بطلب من جمهوري وروابط الفانز بتاعتي تساعدني في نشر تردد القناه لكل الناس اللي مش عارفة تجيبها، وبطلب من صحافتنا تشهد إن أنا بدأت رمضان بقناة كم الناس اللي عارفها قد إيه وصفحتها حتى على الفيسبوك فيها كام، وبعد رمضان تقولولي بأمانة هل قدرت فعلا في ظل الظروف دي أنجح ولا لأ، ومتابعة نسبة مشاهدة القناة على آخر رمضان هتكون وصلت لإيه، ومشاهدة المسلسل على موقع شاهد دوت نت وصلت لإيه، لأنه المكان الوحيد اللي الناس تقدر تشوف الحلقة فيه لو موصلوش للقناة، شهادة الصحافة والجمهور ساعتها تعويض يكفيني». ‫Mika Ezz Eldin طيب أنا قضيت اليومين اللي فاتو بحاول | Facebook‬ طيب أنا قضيت اليومين اللي فاتو بحاول أطالب إدارة قنوات Mbc مصر بزيادة إعادات المسلسل و عرضه علي قناة Mbc مصر كمان لأنه بيتعرض علي Mbc مصر 2 فقط و دي ناس