* الحبيب معوكس هل انت مع او ضد قرارات نقل المباريات ام لا؟.. وبعدين وش القصة الجماعة ينفون بالنهار ويناقضون كلامهم بالليل أكيد هناك سبب؟ راشد الدوسري- الخبر - القصة بنفوز.. بنفوز.. وبنسجل.. بنسجل.. وبننقل .. بنقل وعاش الناقل الخفي! * الاستاذ ابو العواكيس لو طلبوا منك ان تطلق اسم على الموسم الرياضي الحالي.. ماذا ستطلق عليه وانت الخبير في المجال الاعلامي؟ عبدالله التميمي - بريدة -موسم متعدد الدفع ونهايته قراءة كتاب لاتحزن! *الاخ المحترم معوكس: اهنئك على استمرار صفحتك الجميلة ونحن عشاقها ايام الطيبين ولازلنا.. ونتمنى الرد على جميع رسائلي شبه اليومية ولا اجدهاعلى الصفحة؟ معاذ الحميد - مرات تجدها على موقعي الالكتروني يابوحميد! * الاخ معوكس شفت الفرق بين مستوى الاتحاد في الدوري والمباريات الخارجية.. برأيك ماهو السبب.. يمكن اللاعبين هضموا خطة القروني؟ نواف العنزي- تبوك - هضموا الآسيوية، أما المحلية شكلهم غصوا ويالله وايت ماء يهضم! * الخبير معوكس هل تعيين مدير للمنتخب قضية حتى يناقشها الاتحاد السعودي في اجتماعاته.. اللي نعرفه ان تعيين المدير أمر سهل؟ بدر الحميد - الرياض - الجماعة يشاورون صاحب القرار الفعلي مايبون يزعلونه! * الاستاذ معوكس: تعتقد ان الدفاع المدني تدخل في الوقت المناسب وقرر نقل مباراة التتويج.. وينه عن بقية الملاعب اللي تفشل وتهدد سلامة الفرق؟ صالح العبدالله- الدمام - وش دخل الملاعب أهم شي الغالي! * الاعلامي المخضرم معوكس هل من الممكن ان نراك رئيسا للجنة الحكام ترفع العجراء في وجه كل حكم فاشل؟ سعد الشهراني - ابها - كان مايبقى أحد وكلهم ألعاب قوى وتنس أرضي! * اخي معوكس عقب التقرير الشهير وش بقي ماظهر.. وين مشروع تطوير الملاعب اللي كانت تتحدث عنه رابطة الاندية؟ يوسف الرشيد - الرياض -راح مع الصقر الاولمبي وتقصي الحقائق! * من برايك يا أخ معوكس المغلوب على امره في الوسط الرياضي وتشعر انه لايهش ولاينش؟ خالد الناصر- الجوف - رابطة المحترفين وأختها المسابقات! * الى شيخ السنافية وش رايك باللي يحتفل بفوز فريقه في العلم مع التوشح بالعلم ثم يذهب مباشرة الى الاستوديو ويظهر بصفة ناقد.. ماذا تسميه انت؟ محمد الروقي - الطائف -اقول الله يرحم النقد والشرهة على القناة اللي تحولت مدرج ومانقصها الا التيفو في الاستديو! * عزيزي معوكس.. في الوسط الرياضي وش بقي ماظهر؟ فهد عوض - المدينة المنورة -ماغيره اللي طايح احلاف وهو مكشوف! * قاهرهم وحابس دمهم ابو العواكيس: بعد نقل المباراة وش تتوقع ينقل قريبا والله أني خايف على برج المياه المعلم الحضاري لاينقل؟ أحمد الحمد - بريدة - شكل الدور على مهرجان التمور! * صاحب المليون رسالة ابو العواكيس: ودي أعرف ليه وليد الفراج مالقى الا مشجعين متعصبين ومحتقنين ليلة الخماسية يعني مافي هالبلد الا ذا الولد؟ بندر العصاي - عنيزة - يارجال شفت كيف تقلبت الوجيه الله لايوريك وكن الدعوى دعاية طواقي ونظارات وكتاب لاتحزن! *الاملح خفيف الدم والظل عكوسي تحية طيبة وبعد: فيه واحد يحاول يستخف دمه مغرد يقول الدمع الرباعي؟ بالله ما يستحي على وجهه هذا مشجع ولا وش قصته نواف الصيخان -حي الفلاح - قصته كل هالسنين وهو الدموع اربع اربع مع شعر القلطة! *الحبيب الغالي معوكس لماذا شكلك ساحب علينا ورسايلنا آوت ودي تجاوبني بصراحة مدافع الهلال كواك ماينطبق عليه المثل يا من شرا له من حلاله عله ولا وش رايك؟ عاشقة الموج الازرق -عاد هو بالحاله الله من العلل الناشبين اللي مامنهم فايده!