الإهداء.. إلى كل آمر خارج عن الإرادة! بودعك يا من له بوسط الحشا منزال بودعك يااللي ما تناسيت معروفه وإذا الله عطاني عمر باصلك بأية حال وتأكد ترى مغليك مسكنك في جوفه ومدام الليالي حكمها البعد والغربال متوني عليها وسم للوقت وسيوفه يطول الطويل ويكثر الحل والترحال وفرحتك والضحكه من الوقت مخطوفه أباغيب وغيابي ليالي تجر ليال كلٍ بيقنع يا هوى البال بظروفه كبار الهقاوي هزها قوة الزلزال سواة الذي مبصر وفجأه فقد شوفه تغير عليه الوضع والليل الأسود طال ولا مر طيفك يمسح الدمع بكفوفه ولا من طرت عينك وعاتق حضن سلسال أحس النواظر عقب غيبتك مطروفه حمول الجمل كثرت ووقته غدا جمال وفيك انت نفسي دامني حي مكلوفه