حل الفنان محمد لطفي، ضيفا في برنامج «الفرنجة»، الذي يقدمه الفنانين الثلاثة وهم أحمد فهمي وهشام ماجد وشيكو، على شاشة قناة «النهار»، وتحدث «لطفي» عن مواقف تعرض لها أبطال فيلم «أمريكا شيكا بيكا»، أثناء التصوير، الذي أطلق عام 1993، إلا أنه الشخص الوحيد الذي لم يتمكن أحد من النصب عليه، وتمكن من استعادة الأموال. يحكي «لطفي»: «علشان إحنا ماينفعش يتنصب علينا، إحنا روحنا وهما كانوا لسه مخلصين ثورة في رومانيا، وإحنا طبعًا عارفين أن بعد الثورات بيحصل إنفلات أمني، وفعلا بعدها الناس اللي في الجبال هجمت، وبقوا يسرقوا من الشعب فلوس أو سلسلة ويضربوا الناس، أنا علشان روحت هناك قبل كده ودايمًا الملاكمين والمنحرفين عارفين بعض، ففاهم النظام وماينفعش يتعمل معايا كده، لكن شويكار اتخطف منها 100 دولار، وبنت عماد رشاد اتخطف منها سلسلة». وتابع: «أنا بقى جبت الفلوس اللي اتنصب علينا فيها وابتديت أنا أبقى الريس هناك، وافتكروا أني كنت لعبت ملاكمة هناك، وكان في وقت بقى بيضربوا فلوس وأنا فهمت اللعبة وأخذت منهم الفلوس الحقيقية مش المضروبة، وجه بقى الريس بتاعهم وقالي أنت ضربتهم؟ وأنا قلت له ماينفعش يتعمل علينا الشغل ده، وأديته الـ100 دولار بتاعتهم اللي أخدتها منهم، وقلت له بس أنا عايز البزنس بتاعي بقى كل يوم، وفعلا كان بيجيلي كل يوم 900 دولار، وبقيت أغنى واحد فيهم هناك، أغنى من سامي العدل». يذكر أن فيلم «أمريكا شيكا بيكا» يحكي عن مجموعة من المصريين يخططون للهجرة إلى الولايات المتحدة الأميركية، ويجتمعون في العاصمة الرومانية بوخارست والتي تشكل محطة مؤقتة بالنسبة لهم لحين الانتقال إلى الخطوة التالية، وبمساعدة السمسار (جابر فواز)، لكنهم سرعان ما يكتشفون أن جابر فواز ما هو إلا نصاب قد وقعوا ضحايا لديه بعد أن استولى على أموالهم، وتركهم على حدود المجر، مما يدفعهم لأن يتجاوزوا خلافاتهم جانبًا والتكاتف من أجل المرور من هذه المحنة. كذلك صور الفيلم في مشاهده وقوع أبطاله في عدة أزمات من بينها تعرضهم للسرقة والنصب من عصابات هناك، وهو ما حدث معهم في الواقع فعلا حسب رواية الفنان محمد لطفي. الفيلم بطولة محمد فؤاد، شويكار، محمد لطفي، عماد رشاد، الشحات مبروك، أحمد عقل، نهلة سلامة وسامي العدل، ومن إنتاج عام 1993. الفرنجة | شوف لحظات البلطجة في حياة الفنان محمد لطفي و مش هتصدق عمل كده في فيلم ايه ..! الفرنجة | شوف لحظات البلطجة في حياة الفنان محمد لطفي و مش هتصدق عمل كده في فيلم ايه ..! البرنامج يذاع على قناة النهارالخميس 10 مساءً والإعادة 12 منتصف الليل على النهار +2 والجمعة 4 مساءً والأربعاء 12:30 منتصف الليل سلوكياتنا كمصريين من ساعة ما بنفتح عينينا لحد ما بنغمضها تانى, حاجة لا يصدقها أنسان ولا حيوان ولا نبات ولا حتى جماد ..