والله لافاخر بك مع مطير والغير واحب من حبك واعادي معاديك غلاك له دافع وشافع وتبرير محد بميزان المعزه يساويك ما تقدر الفزعه شيوخ المعاذير وانت الربيع منين تمشي خطاويك لو البحر يجري ذهب مع دنانير وانته على جاله لتفنيه اياديك مردد بين الثنين المشاهير ولد علي والفرم محسن يناديك نطاح وجه الخيل وان جت مناحير هذاك اخو حسناء ولا هو بخافيك مروي شبا حدب السيوف البواتير وان حل بالميدان ما فيه تشكيك صم الرمك ضاقت باهلها المعابير خيل قلايع غير روس مداريك واهلك شيوخ للفخر قادوا مطير تاريخ نجد اللي حفل في مغازيك وان عودت مجد وبطولة واساطير تحدث التاريخ والفعل ينبيك وان عودت فعل ودلايل وتفسير مازبن الشيخان ياكود اهاليك وان عودت شيخات من دون تقصير اسمك فخر وشداد جدك يكفيك جدك مشاري من يقود الطوابير والخيل خيلك والعزاوي عزاويك يحفظك ياخالد ولي المقادير يا بعد فرقك ما يجون بحراويك سيف ذخرتك للسنين المعاسير يا سيفنا لا ما نبيعك ونعطيك ياعز راسي محزمي والمذاخير يحق لك ويحق لي افتخر فيك