عبدالله الفوزان - رحمه الله - شاعر كبير، له العديد من القصائد الجزلة في كل اغراض الشعر، وقد اخترنا لكم هذه الرائعة: اصبر على ما جاك من وقتك اللاش وستوْ على الشّدات راعي عزايم واخفِ الضرر لياك تبديه للواش يشناك عند الناس قاعد وقايم واللي يتيه بقوته بالندم داش والا الوقاعه ما وراها ندايم والمرجله لو هي على الهون تنحاش حاشوا لها حتى العفون الخمايم واياك لا تدعي قصيٍ وفتّاش على عيوب الناس وبك التهايم ومن الردى لو تكسب الدر وقماش ترّك مماشاته وكن عنه شايم وارع الصديق اللي اليا صابك ادهاش خوفٍ لقيته من مصابك وشايم والا الردى لو سالمك ساعة هاش عليك ما يبرح يدور الولايم وارفق على المال الذي منه تعتاش خلّه عن العازات يغنيك دايم واعرف ترى رجلٍ بلا مال ماناش غايات مطلوبه ولو كان رايم يلعب به الهوجاس وان قاش ما قاش داوي ببحرٍ ما لاحدّه علايم وصحبات بعض الناس لو جات ببلاش ما تنبغي لاخير فيها ندايم بالك يغرونك تراهم على ماش ما يفهمون العلم مثل البهايم واقول من يصبر على الضيم لاعاش كب الذي تقضي حياته هضايم اختر مقام العز لو كنت فراش ولا غناة اللي بها الذل دايم لا وعلى من يطرّش اليوم مطراش كلاّ ولا قصدي بجمع الغنايم ما قصدي الا بالتفرج عن الجاش مما لجا به من همومٍ عظايم بالقلب منها العقل طاش بالليل يقعدني ولو كنت نايم هذا زمانٍ جاز به كل غشاش أو واحدٍ فتّان راعي نمايم كم واحدٍ تلقاه بالوجه بشاش ماهو ليا جا الصدق راعي لزايم يقول مثلي للكرم ماحدٍ حاش وهو بخيل ما فطر منه صايم من جا بلا دعواه يقعد بلا فراش هذا طفيلي يستحق الشتايم صلاة ربي ماجرى السيل رشاش على نبيٍ ظللته الغنايم