ياالله دخيلك من نقل بعض الاخبار اشد وطية من سيوف العداله فرقا العزيز إلى رحل.. داخل الزار احر من جمر الغضا واشتعاله لا والله اقفى فيه قصاف الاعمار اصحيبي اللي بالوفاء حي فاله ياموت قل صاحبك لو غبت مابار يبا يموت وصورتك في خياله بيني وبينه خوة اشراف واسرار وعلوم بحدود الادب والزماله لو ان عندي علم في غيب الاقدار لـ اركب قبل يومه يجي واعناله واجلس معة ساعة زمن عقب مشوار واخذ معه فنجال والا بياله مير القدر يعلم به النافع الضار باعث محمد بالهدى والرسالة ياعين هليتي من الدمع مدرار مثل الغشين لياانهمر من خياله كن البكا عقب العصر قبل الافطار اخذته عيون الشقى بالوكاله الله يجير ابن زويبن من النار والله على فراقه يصبر عياله نجم من نجوم الرجولة ولاشعار كلٍ يقول ونعم لا جاء مجاله عم الحزن في غيبته كل الاقطار والشعر حزن يوم وكد زواله خبر وفاته ضيق صدور الاحرار وعلى قبيلة حرب ماهو سهالة عندي خبر ماناقص ٍحرب شعار مير الصحيح ابن زويبن الحاله