يمه انتي يا شتاء قلبي وصيفه يا حنين الأمس يا كل التغلي غيبتك فيها فقد قلبي وليفه والظلام بغيبتك يا النور حلي من رحلتي حالتي بعدك كسيفه صارت همومي معي تشبه لظلي يا كثر ما قلت يمه يا عفيفه ويا كثر ماني بعطفك مستظلي والله ان الجرح ما وقف نزيفه ما دريتي في غيابك وش حصل لي وكان غبتي بالجسد ما غاب طيفه كل ليل يزورني وافرح واهلي اسال اللي حامي الكعبة الشريفه في جنان الخلد لك قدر امتعلّي فهد الحماد - حائل