يوم لحالي جالسٍ مر طاريك من وين مدري قلت شاللي بلاني واسمي الرحمن وأسرح والاقيك قدام عيني وارتعش من حناني جيتك واضمك واختفى حلم غاليك وأقول هذا الطيف وتقول كاني حست الاماكن كلها لجل عينيك وحتى الحواس اللي تسابق رهاني سمعي وشوفي كلبوها تناديك وتقول ياقلبي هذاني... هذاني وآدورك من ربكتي حايسٍ فيك من يوم جا طاريك كلي يعاني اتعبتني قلت البلا قلب يغليك ملكتك القلب وقفصك المحاني اغليك آنا اكثر من غلا امك وواليك ياللي جنونك ساكنٍ في كياني افنى حياتي وسط حضنك واياديك واحياك موتٍ والممات احتواني مدامني وسطه تملكت اراضيك ببارك لروحي بزين التهاني حبك كبر مع نبضي الله يعافيك يكبر مع النبضه وبين الثواني حبك طفل يرسم غلاك بقوافيك ويبعثر القاف ابتهال واماني والقاف يحلى لاتطوق حواليك ويلملمك شعر ويشيلك اغاني واوعى بعد ماكنت ساهي واثاريك فيني تناديني مبين المحاني