* الناقد الكبير معوكس ماتلاحظ ان بعض المعلقين والحكام تفرعنوا بعض الشيء يوم صفى لهم الجو بدون حسيب ورقيب، حتى صارت كلمتهم اقوى من كلمة المسؤولين عنهم.. انت بحكم خبرتهم ترى ماهي الاسباب؟ راشد الدوسري - الخبر - صفى لكي الجو فبيضي واصفري للغالي! * الحبيب معوكس هل انت مع مدرب الاهلي بيريرا عندما قال (ماهو انتم اللي تعلموني ماذا اقول.. وبماذا اصرح).. احس ان الرجال شايف نفسه او ان دورينا اقل من الدوري البرتغالي؟ محمد احمد - جدة - مايحتاج هو المعلم اللي جاب ولد خالته ليال! * كل ما نتمناه يا معوكس ان اتحاد الكرة يستغل الدعم الملكي ويعيد الحياة الى الرياضة ويبتعد عن العقود التي كبدت الخزينة بالديون ووهقته؟ سعود القحطاني- الرياض - ما ظنتي.. كلها ايام وتسمع الشكاوى من الديون * طيب القلب والسيرة ابو العواكيس.. متى تعتذر لبعض الاندية واللاعبين اللي كنت تهاجمهم.. شكلك في يوم من الايام رايح تقول توهقت؟ محمد اليوسف - الرياض - اكيد ابتوهق وأضيع الدعوى محضر وتوقيع وابعتذر عن كل شيء! * كبير القوم النقاد.. ماهي نصيحتك للاعلام الرياضي خصوصا بعدما اصبح الضيف في بعض البرامج زي المشجع، بل بعض المشجعين اعقل منه؟ فهد العنزي - الجوف - يقلبونها مايطلبه المشجعون! * الخبير الرياضي معوكس صحيح انك انت اللي وراء ضياع بوك التذاكر.. ياخوفي وديته حراج بن قاسم عشان مباراة النصر والتعاون الموسم الجاي؟ سعد الشمراني- ابها - ياحبيبي الفرق كلها ودها تضيع التذاكر مادام العدد بيدبل 100%! * الا تتفق معنا يامعوكس ان رئيس النصر فيصل بن تركي افضل رئيس مر على النصر.. يا أخي خلانا نعيش اجواء الصفقات المذهلة والملايينية؟ عبدالله التميمي- الرياض - نعم.. نعم يستاهل بطولات الموسم كلها على شغله وغيره اللي قلبوها سياحة حقهم وماجاهم! * صديق الجميع معوكس.. ابشرك الطائي اقال مدربه بعد ما خبص.. ان شاء الله تتعدل الاوضاع وكل النتائج فوز ونصعد للاضواء ونعزمك في الاحتفالات.. بس لاترفض؟ بدر الشمري- حائل - يمكن اذا تعدلت الاجواء الباردة يابعد حيي! * الاسد ابو العواكيس من برايك اللي من الممكن ان يسدد ديون الاتحاد اللي يقولون انها تجاوزت 170 مليوناً؟.. ليش ماتتقدم وتعلن ترشيحك للرئاسة ثم تنسحب.. اهم شيء الشهرة؟ محمد الغامدي - جدة - الضحكه اللي أزعج العالم عندي وآخرتها طق اللطمه وأنحاش! * اخي معوكس ما الذي تفهمه من تراجع البعض واعتذارهم.. مجبرين او انهم شعروا بالذنب؟ صالح العبدالله - شرورة -العين الحمراء ولا أبو طبيع مايخلي طبعه! * ماهي رؤيتك يا معوكس للمنافسة ووجود خليل جلال في الجوف وفهد المرداسي في نجران.. تفاءل وقل ان الأمور تبشر بالخير. عاشق النصر- فيصل المطيري- الدمام -تبشر بالخير ويجيب الله مطر! * صاحب المليون رساله ابو العواكيس تحيه وبعد: أشوف الاهلي من خسارة لخسارة وجماهيره تردد نشيد عبر الزمن كن فريقها متصدر الدوري أحمد الحمد - بريدة - شكلها ماعاد تفرق وقصدها هزايم.. هزايم عبر الزمن! *قاهرهم وحابس دمهم ابو العواكيس فيه واحد راح يعتذر يوم سألوه قال أنا ما أعتذرت أنا رحت ووقعت وش يقصد عماد العالمي - الرياض - يقصد انه موظف ووقع حضور وأنصراف! * المبدع دوما والاشهر والاملح ابو العواكيس بصراحة وش رأيك بأولمبي الهلال اللي خسر من اولمبي النصر خالد ابوحمد - بريده - مايحتاج نقتف من الفريق الاول كنك تشوف الحارس والدفاع والمهاجمين اللي كل واحد يبي يشق الشبك!