بادي ذي بدأ وقبل ما ندش بالمفيد خلونا نعرج على العنوان عشان نعرف معناه .. الفري (المنسم) هي تسمية منتشره محليا عن الواحد اللي ما تاخذ من علومه شي .. ولعل اطرف تعريف له هو قولهم عن الفري (المنسم) هو كل ما مريت عليه تسمع صوت سسسسس وهذا راجع الي تهريب الهواء من راسه والسبب بذلك هو ان فى راسه فتق وتلقاه دايم يغطس راسه في سطل ماء عشان يعرف من وين التنسيم .. ومع هذا ماله حل ألا بالعلاج المكثف اما بصبخه يحطونها على راسه لكم يوم او يربطونه بعصابة قوية لين يرجع راعي الفري (المنسم ) الى وضعه الطبيعي .. وهالحين عقب ما خلصنا من التعريف خلونا ندخل بالموضوع والموضوع هو خبر (الفرانس برس) اللي نقله موقع اخبار العربية من (بوينوس ايرس) ومعاها للاسف مواقع كثيرة وصحف كبيرة عربية ! .. والخبر عن اهداء مارادونا قميص التانجو لصديقة الابدي الحكم التونسي على بن ناصر الذي قاد المباراة الشهيرة بين الأرجنتين وإنكلترا 2-1 في الدور ربع النهائي من مونديال المكسيك 1986 الي حد هنا كل شي حلو والله يدوم المحبه على بني البشر .. بس اللي ماهو طبيعي وتحس ان اللي كاتبه فيه فري هو بعد ان وصف طريقة تسجيل مارادونا الهدفين .. وكثرت الحديث عن هذه المواجهة وعدم هضم الإنكليز حتى الآن ما حصل في تلك المباراة التاريخية التي احتضنها ملعب الازتيك في مكسيكو لأمام 114500 متفرج .. فجأة وبدون مقدمات وبلا مناسبة دخل الخبر (1978) على اتهام الصحف الإنكليزية وبالخصوص صنداي تايمز الارجنتين بشراء مباراتها مع البيرو 6 صفر في مونديال 1978 والتي كانت جواز سفرها الى المباراة النهائية واحرازها اللقب بالفوز على هولندا 3-1 بعد التمديد وقالت الصحيفة: كان الثمن 50 مليون دولار و35 الف طن من الحبوب.. وعقب هالشطحه المنسمه رجع لموضع المباراة الشهيرة (1986) وقال الأكيد أن انكلترا لم تواجه المنتخب الارجنتيني بل لاعبا واحدا هو مارادونا .. كما ان انكلترا لم تنهزم امام المنتخب الارجنتيني بل امام مارادونا الذي كان رائعا بكل ما للكلمة من معنى .. والله خوش امانة صحفية وخوش ناس قايمين عليها بالله عليكم هو لو فيه شوية تركيز بنقل الاخبار جان ما شفنا هالسقطه الكبيرة بس وشنقول لابارك الله بنظام انسخ والصق اللي متبع باغلب اخبارنا لانه من دخل علينا وحنا صرنا اتكاليين ما نقراء شي ماغير اقل ياولد الناس ماتقراء شي احترمونا نحترمكم وارحمونا من الفري اللي تحكم بامورنا الصحفية حتي فقدنا المصداقية بنقل الخبر .. وبالختام ارجو ان سالفة التنسيم انها ماتنعمم على الكل لان فيه ناس مجتهده كثير واهل الفري قلة وسلامتكم . ألووو اخير : عشان ما اكون متجني على احد ارجوك عزيزي القارئ اكتب بغوغل ( مارادونا يهدي قميص التانجو لـصديقه الأبدي) وراح تشوف العجب وكم كبير من المنسمين اللي ناقلينه . محمد خلف الشمري الكويت