يا عيد لك طلة على دور السنة في كل عام ولك طلةٍ تاخذ نهاية عامنا في كل حين العيد يجمعنا مع الأحباب في حُب وسلام والجرح ينزف لاذكرنا أحبابنا اللي راحلين ما فات من وقتٍ مضى في صبح والا في ظلام يبقى صدى الأيام في الأرواح له وقع ورنين لو ننقش الحنا ونكحل رمش ونحط الزمام ونضحك ونفرح ونتمايل من يسار ومن يمين في أنفوسنا غصة وفي عيون الكثيرين الملام يا حيلة الله وش بقى شيٍ تخبيه السنين الاحزان تعلن عن سمانا الإنهزام ملّت خواطرنا تشيل الحزن قدم الآخرين يا عيد لو تطوي رحالك ويتقّفاك الكلام لك بهجةٍ مهما تغشّاها المعاتب والحنين ما يغسل الحزن المقيم الا رضى راع المقام حبيبي اللي منزله متربّعٍ في كل عين حبيبي اللي علّم أحساسي مفاتيح الغرام حبيبي اللي من أشوفه كل شيٍ لي يزين فديت حبه واستماتة خاطره عشق وهيام يا عين أبوي اللي عطاني إياك بالعهد الثمين الله لا يحرمني القلب الوفي مسك الختام حبه يبي يبقى على طول الزمن عشق دفين