يا كثر مامر بحياتي من اسماء صدقان والا عرفت وجيه لاحت ساقت مواقفها ملامات واطْراء لكنها مع زحمة الناس راحت احوال دنيا تجمع اشياء واشياء وتْفرِّق اللي تجمعه يوم شاحت ناسٍ نسيناهم وهم بيننا احياء كتلة جليد بطلعة الشمس ساحت واجواد تحت القاع واعلومها اصداء تنعاد كل مانادوا الطيب صاحت خذ لك مثل باللي ذكر باسمه الطاء حاتم الطائي دلته هيل فاحت ماهمّه بطول الزمن راح وان جاء له نجمةٍ بين النجوم استضاحت الطيب يعشق تم مايعشق اللاء واهل السواد امْن الجميل استراحت عدّاهم المشروه واعطاهم ايحاء من لاجبل نفسه على الطيب طاحت يعبيد ابن خشمان بهديلك اهداء ابيات يمكن تعجبك يوم باحت يعبيد مالله خالق الناس اعداء الناس من كثر المطاميع داحت واقع مرير نعالج الداء بالداء واهل التعصب بالرديات جاحت حنا غدينا عدة اجزاء واجزاء أمه عظيمة بس مرّت وراحت احزاب متحزبه ولاتحمل أعباء كلٍّ يدوّر فرصته يوم تاحت يالله توحد جمع الاسلام باهداء والمسلمين امْن الحروب استراحت