تخيل لما تبقى من اغنى اغنياء مصر و عندك اراضى و كومبوندات و اوتيلات و قنوات فضائية وعليك ضرايب قد كده و متهرب منها قوووووم تروح ترفع قضية على بلدك ف محكمة دولية ف نيويورك و تقول اصل بلدى اضرت بأستثماراتى و عايز منها 37 مليار جنيه !! ياختشى حلوة !؟!؟! بلدك اللى الناس فيها مابين مش لاقى شغل و طالع عين اهله ف شغله ..بلدك اللى لسه طالعه من سنين خراب ..بلدك اللى اهلها يدووووب بيشموا نفسهم اليومين دول ..تييجى انت بقى يا متهرب يا نصاب ترفع عليهم قضية ف بلاد بره عشان طلبوا منك تدفع اللى عليك !!! لا حقيقى اخص علينا اخص المفروض فعلا يا جماعه كنا لمينا من بعضشينا عشان استثمارات سيادته متتأثرش و فلوس سعادته متقلش و املاك فخامته تزيد !! اهى المحكمة الدولية رفضت الدعوة يا حدق …ادفع اللى عليك بقى يا احمد يا بهجت ياللى التراب اللى انت ماشى عليه ده……خسارة فيك *** كم انت غريب ايها الازهر !! يعنى مكنتش عايز تكفر داعش ..بس عايز توقف برنامج ؟؟!! هى مش الكلمة بالكلمة برضه ؟ و مش وجادلوهم بالمعروف برضه ؟؟ فين شيوخك و فتاويك ودلائلك للرد على اى رأى ؟؟؟ ولا هو اسلام البحيرى اخطر من اسلام يكن ؟؟؟ كلام ف سرك …..مش حلوة منك !! *** إعلامية بالتلفزيون المصري