[[ تِذَكرت !! ]] الشاعر / توفيق شهاب ( المعنى ) تذكرت النسيم اللي لثم . . . خصلات من شَعْرِكْ كأنه يختبر شوقي لوصلك او . . . . . . يباريني وتذكرت العتيم اللي تحنى . . . من شذى عِطْرِكْ ونادى للوله : وينك ؟؟؟ وصحَّى . . .،كل ما فيني ابنثر مابقى من حلميَ المنسي . . . على صَدْرِكْ وابحضن طيفك بروحي . . واضمِّك حيل بيديني نعم أشكي من الفرقا . . وأشكي من عنا هَجْرِكْ وأدري انك رَغَمْ كل شي لا زلتي . . . .، تحبيني حسبت إني أنا الغواص !! واثر الموت في بَحْرِكْ وحسَبت إني عرفتك زين . . . مير إنك خذلتيني وكنت اتلذذ بقيدي . . . . ونا مسجون في أسْرِكْ ياليتك خارج اسوار العذاب المر . . . . . .تنفيني ابنسى الحب في حبك ولا اقبل في الهوى عذْرِكْ وإذا مريت باحلامك بربك . . . . . . . لا تلوميني ولكني إحتفظت بشي إسمه . . . يا الغلا : قَدْرِكْ ولا زالت بقايا منْكْ . . . . . تمشي في شراييني من اشعار ( المُعَنَّى )