الجرح أكبر من حروف الكتابه والصمت أبلغ من كلام المكاتيب الصمت عن جرحٍ تكرّر... مهابه لا صار حچيك لا يودّي ولا يْجيب ماهي "الرياضه" بس... صارت خرابه كل شيْ من حولك عوى داخله ذيب ويا صاحبي هذا زمان الغرابه "إعيالهم" صاروا بـ صَف الأجانيب! الدار لو ضلعه اشتكى من صوابه ما همّهُم... شَدَّوا عليه المقاضيب إمّا يقودون البلد في سرابه وإلاّ تعطّل فرحة الناس وتخيب! منهو غدَر في الدار منهو وشى به؟! منهو يرتّب في دجى الليل ترتيب؟! لو واحدٍ فينا بـ جُرْمه مشابه سمّوه "خاين"... واقْصًبوه القصاصيب يا چنّنا في بيتْ عالي جنابه وحنّا ضيوف البيت عند المعازيب! أحْدٍ تعيبه نقطةٍ في ثيابه وأحدٍ ولو عريان... ما يلْحقه عيب!!