بطريقة كوميدية، سلط الممثل أحمد أمين الضوء على ما أسماه بـ"عملية النصب"، التي يقع فيها كل من الرجل والمرأة بعد الزواج مباشرة. وقال "أمين" خلال برنامجه "البلاتوه"، المذاع على قناة "النهار"، الجمعة: "بعد انتهاء الفرح وتبدأ العروسة في قلع طرحة الفرح ومعاها العدسات والرموش والشعر المستعار والكعب العالي، وتمسح كل المكياج وتغسل شعرها وتضرب (الكحكة)، والمثل بيقولك (امسح مكياج مزتك تلاقي فتحي ابن عمتك)". وأضاف: "النصباية اللي بتتعرض لها الست بعد الجواز أتقل بكتير، لأنها بتخص الشخص نفسه شكلا ومضمونًا، يعني مثلا بعد ما كان بيجيبلها هدايا في الخطوبة، تلاقيه بيصوت في وشها عشان جابت تين شوكي من (الحرامي) اللي بيبيع الواحدة بـ 2 جنيه، وهي بجنيه ونص في كل مكان". وتابع: "البنت بتلاقي إن الشخص الجنتل الهادي إللي كان بيشيل عنها شنطتها في الخطوبة، ويفتحلها بابا العربية، تلاقيه بعد الجواز بيشلها الواد والشنط وقفص الفاكهة وبيجريها وراه عشان يلحق الماتش في البيت".