خلال شرحه لبيانات إحصائية تتعلق بحجم الإنفاق والعجز في الموازنة وغيرها من البيانات الدقيقة، فوجئ عمرو الجارحي، وزير المالية، بمقاطعته من جانب الرئيس عبد الفتاح السيسي،الذي قال: "اللقاء دا مش للمتخصصين، إحنا عاملين الكلام دا عشان نكون سياق معرفي وتنويري لكل مصر". وأضاف "السيسي" خلال حديثه لوزير المالية، على هامش جلسة "الإصلاح الاقتصادي ورؤية الشباب"، بالحوار الشهري الأول للشباب، السبت: "أنا عايز أقول للناس إحنا عملنا كدا ليه، واللي حضرتك بتقوله دا ممكن أساتذة اقتصاد يعرفوه ويفهموه، ولكنني عايز الناس البسطاء في الشارع يعرفوا ويفهموا". وتابع: "المستهدف مش النخب وإنما أنا استهدف الإنسان المصري اللي بيقول انتو بتعملوا فينا كدا ليه، وبتغلوا الأسعار كدا ليه.. عايز أقوله إحنا ليه اضطرينا لكدا". ومن جانبه توقف "الجارحي" عن شرحه للبيانات الإحصائية دون الانتهاء منها بالكامل، قائلا: "طيب أنا هقعد.. انا خلصت الجزء بتاعي"، ليضحك الرئيس والحضور بشدة.