* الحق قبل فوات الاوان يابو العواكيس اثر عندنا اقلام شكسبيرية كل يوم معطينا شكسبيرية رياضية سبحان الرازق وش رايك يمدينا نتعاقد معه ونفتح مسرحاً فى الهواء الطلق؟ محمد عمر - ما يكفيه مسرح واحد إلا نفتح له أكاديمية مسارح! * ما شاء الله يامعوكس على سرية قرارات بعض اللجان.. قبل يجتمعون تلقاها عند بعض الصحف والاذاعات والتلفزة؟ راشد الدوسري- الخبر - والبركة في بعض الأعضاء خصوصاً النواب، ولا تستكثر بكرة تكون الاجتماعات في مقرات بعض الصحف أو الإذاعات أو القنوات التلفزيونية! * الحبيب معوكس وش سوا سامي ببعض الناس.. حتى في المستشفى ماسلم منهم.. مايخافون الله يمكن تجيهم امراض مستعصية بسبب كذبهم؟ محمد العبدالله- الرياض - للأسف حالة سامي كشفت كثيرا من نفسيات بعض المحتقنين والمخنوقين بقرار «المعزب»! * الاستاذ معوكس يعني ممكن نسمع بعد ايام (حضّره ياعسكري).. والا ظنك تجي العواقب سليمة؟ خالد التميمي- الدمام - بنسمعها قريب إذا جروا بعض الناس للقسم! * الناقد المميز والخبير في شؤون الرياضة معوكس: معقولة نادينا الهلال يتم التطاول عليه من بعض اقزام الاعلام من دون ان تحرك ادراتنا شيئاً ..برأيك متى يتحركون؟ سعد الشهراني- ابها - يتحركون إذا جاهم السيل، ادارتك تطبق أنا وبعدي الطوفان! * وش تتوقع يا معوكس لنتائج الجولة المقبلة خصوصا النصر والاتحاد.. تعتقد يحسمها النصر ويحتفل بالبطولة والا يكون للعميد رأي آخر؟ محمد احمد - جدة - البطولة مضمونة للنصر وسيحتفل معه شقيقه الأكبر الاتحاد! * تحياتي يامعوكس وش رأيك باللي يتوهق ببعض الاخبار في تويتر وجريدته.. واذا شاف نفسه ورطان يخرج ويقول (انا مخطئ اذا اخطيت).. بالله هذا اعتذار؟ بدر الرشيد - الرياض - هذا ما تنفع معه إلا العين الحمراء علشان بعدها ما يخطي. * الحبيب معوكس تتوقع يحدث في الدوري السعودي ما حدث في بطولة النخبة العربية في سوريا قبل اعوام، عندما كانت البطولة بيد النصر وخطفها الهلال.. صاحبي يقول انه حلم وسأل مفسر احلام قال مبروك عليكم الدوري.. برايك لو يتكرر هذا السيناريو وش يسوي بعض الناس؟ حمد العنزي - تبوك - الهلال يبغى له يركب باص علشان ياخذ الدوري * صديق الكل معوكس وش اللي صاير بين التعاون والطائي، كل هذا عشان كوب شاي, ياحيي قل لهم ابتسموا عند الفوز وتواضعوا عند الخسارة؟ عبدالعزيز الشمري - حائل - عقب مشكلة الابريق الاحمر في المدرجات طلعت علينا قضية الشاهي.. اجل الدور على الكبسة ومعاميلها * تحياتي لك يامعوكس.. ان شاء الله ضبطت امور التحكيم.. ودنا مانشوف لادفع ولا دف في المباريات المقبلة، لأن الوضع حساس؟ فهد الحمود - الأحساء - من قال ضبطت حتى الحكام الأجانب وصلتهم قضية الدفع من كل الجهات، الظاهر ماينفع في المباريات المقبلة إلا حكام من المريخ ويا الله. * الى ابو العواكيس ماهي المسلسلات التي تحرص على متابعتها.. وهل انت من عشاق السينماء؟ عبدالله الخالدي - الدمام - مسلسل حمام الهنأ ومسلسل (صح النوم) خاصة بطليهما (ابو صياح) و(ابو كلبشة) ياهم تحفه! * الى صديقنا الوفي معوكس متى شعرت ان الوضع الرياضي يحتاج الى هندسة، وشحن طاقات من جديد؟ خالد الراشد - عرعر - شعرت عندما شفت جملة أمل اشعاري.