لا والله الا قربت طلعة سهيل والقلب شفقانٍ على الصيد ياخوك في خايعٍ تو ماسقى عرقه السيل أهل الغنم ماحطوا ابوسطة اشبوك علّه من الوسمي صدوق الهماليل من فضل رب البيت بالخير مبروك ياماحلا المغباش لاروّح الليل من عقب فنجالٍ على الكيف محبوك سجة مع خوة رجالٍ مشاكيل عن قعدة الديوان وهروج صعلوك وامقضيّ أشغالك ووضعك تساهيل مادام عايش حر مانته بمملوك هذي طراة العمر مادام بي حيل انفض لها الدينار كاشٍ من البوك واخير منها دون شرح وتفاصيل في طاعة الرحمن وأمك مع أبوك