* العزيز معوكس ماهو تفسيرك لفوضى الهلال عندما يتقدم على الخصم، نجد بعض اللاعبين يحتفظون بالكرة ويهدرون جهد الفريق.. بحكم خبرتك ماهو الحل؟ راشد الدوسري- الخبر - عزالله ان ماحلوها قدامهم لخويا ان يخاوون الليل مثل خالد عبدالرحمن! * الصديق ابو العواكيس ماهو تحليلك لقضية حسني عبد ربه وهل يعقل أن تمر على الاتحاد السعودي ولجانه.. صراحة مهما يقولون ماني مصدق؟ عبدالله السعد - الرياض - عقب الانذار الاخير صدق كل شيء والخافي اعظم! * الاستاذ معوكس يقولون الكشف على المنشطات سيكون في جميع مباريات الدوري يعني الله يعين اللاعب اللي يتورط اللجنة ما شاءالله صارمة وما تعرف المجاملات وما تشوش في آذان الاندية؟ - محمد الهاجري- الدمام - شكل الآذان فيها مسكن! * صاحب الدم الخفيف معوكس، تتوقع أن الوعد بالمكافآت وتقديم خمسة آلاف ريال لكل لاعب يسجل أثر على الوحدة قدام الهلال؟ عبدالله صالح - جدة -ماشفنا الا انبراشات! * بعض لاعبي الهلال يامعوكس يبون قرصة اذن، الى متى الانانية والبرود بعدما يسجلون في مرمى الخصم، متى يتعلمون الحرص اكثر على التسجيل وزيادة الاهداف؟ فهد التركي- تبوك - لا ومن كبر الباب الكورة يافي الساعة يا تصمخ لها عين مصور! * تصدق يامعوكس بعض الاعلاميين شوهوا الرياضة، ليتهم يقودون رابطة انديتهم من المدرجات احسن لهم،، صراحة فشلوا الرياضة وفشلوا الاعلام وشوهوا سمعة أي اعلامي؟ بدر العتيبي- الطائف -الشرهة على بعض القنوات اللي كنها فندق تستضيفهم ليل نهار! * اتوقع ياخ معوكس لو يحطونك وسيط في التعاقد مع مدرب للمنتخب انك ستنجح في المهمة ومن بكرا والمدرب على رأس العمل؟ سعد عسيري - خميس مشيط -اكيد مايبي لها كل ذا المدة كنها جولات مندوب الأمم المتحدة! * ابوالعوكيس متى بنشوف حارس مرمانا العملاق وليد عبدالله بصراحة اشتقنا له واحب اقول من طول الغيبات جاب الغنايم؟ عاشق الليث-عبودي - من طول الغيبات جاب ابوالجوهرة * ابوالعواكيس تتوقع خبير التحكيم يصدق بتوقعاته ونشوف تحكيم مختلف هذا الموسم ويوفي بوعده ونستغني عن الاجنبي؟ بندر العصاي-عنيزة - ليته يوفي بوعده ويستغني عن المقيم! *العزيز معوكس اشوف اسئلة اصدقائك من القراء كلها عن الرياضة يعني مافيه أمل اشوف اسئلة عن الحياة الزوجية والحب والرومانسية والمشاكل الزوجية احمد الحمد-بريدة - هذي يالحبيب تلاقيها في بيوت مطمئنة! *هلا معوكس ..اخبارك ياخوي وش ذا الحظ لنايف هزازي توة منتقل للعالمي وإصابة وغياب ياوالله راحت ملايين نادينا لا وفابيان بعد شكله ماله نفس يلعب يبي فريق ثاني؟ سطام العتيبي-الرياض - يبي برشلونه ومستحي من مورينيو عطاه كلمه لتشلسي! *الاجمل والاملح معوكس أشوف الناس خفت من موضة زواج المسيار ياترى فكروا صح وعقلوا وحسبوها زين وعرفوا الارباح والخساير ولا وش القصة؟ نواف السعيد-الخبر - ابدا اكثرهم كفشته ام العيال وصار ينام في اقرب حديقة! *الغالي معوكس ماتشوف ان مدرب الهلال دونيس يغامر في خط الوسط يوم انه يلعب بدون محاور صحيح نجح فيها قدام النصر والوحده لكن متى الحكي؟ مساعد العتيبي-الرياض - الحكي الثلاثاء قدام لخويا! - مع تحيات معوكس وسلامتكم  للتواصل مع عواكيس بريد الكتروني sport@alriyadh.com فاكس 4871070