*الناقد الكبير الأستاذ معوكس تتوقع منتخبنا يوصل بعيد مع كوزمين؟ عبدالله الهاجري - الدمام - اذا فكه الله من نقاد الغفلة بيتأهل *الجميل عكوسي وش سالفة بعض اللاعبين ما تتكسر يدينهم إلا قبل معسكر المنتخب؟ طلال الظفيري - حفر الباطن - لكنهم وجدوا مدرباً ما عنده إلا العين الحمراء! *صديقي القديم أبو العواكيس ليه صفقات الهلال من تالي أي كلام؟ أحمد المجيول - شقراء - هذا السوق ودنا يكون عندنا ميسي ورونالدو، وبعدين ترى كل الفرق عندها من نمونة جحفلي ودرويش *عزيزي الأخ معوكس وش تقول في تغيير المدربين اللي طايحين فيه أنديتنا الفترة اللي راحت؟ محمد الخضير - الرياض - المشكلة كلش يتم تغييره إلا الرئيس *أبشرك يابو العواكيس منصور البلوي أوفى بوعد الشيك المفتوح بتجديد عقد القرني! عبدالحميد حمزة - جدة - اهم شيء الشيك المفتوح يسدد الديون وإلا لا؟ *هالحين يابو العواكيس سعيد المولد لاعب الاتحاد والا الأهلي ماعاد ندري من الصادق فيهم؟ سعود الدخيل - عنيزة - خلاص أعلنها البرقان المولد اتحادي ولا أحد يطلع الكورة آوت قدام الاتحاد! *عزيزي المتألق معوكس أنا أشوف ان البرامج الرياضية شوهت الرياضة، وأيام الصحافة ما عمرنا شفنا هالتعصب والا وش رايك؟ أيمن الحسن - الرياض - انا اشهد أن التعصب ما عرفناه إلا من دكاكين الفضاء! *سعادة الناقد الخطير معوكس وش سالفة محمد الحميداني هو موب يعرف يحتسي والا يبي يتهاوش والا ما يدري انه نائب رئيس الهلال؟ عبدالله القبلان - عنيزة - اللي ودي أعرفه كيف يصرح وهو موقوف؟! *وش رايك يا عكوسي في تأخير شكوى الفيصلي ضد عبدالغني عشان مباراة الهلال؟ حمد الدوسري- ابو مبارك - العزيزية - على نفسها جنت براقش. *الناقد المشاكس الاستاذ معوكس ورى بعض الهلاليين تعاونوا مع الإعلاميين الخصوم ضد ناصر الشمراني؟ عبدالله الرويتع - الخرج - الهلاليون يطبقون المثل زامر الحي لا يطرب! *تتوقع ياشيخ معوكس أن الاتفاق بيرجع لجميل بعد الوفاق والصلح مع الطويرقي؟ سامي الفضلي - الدمام - الاتفاق مسلسل سنوي بطلاه الدوسري والطويرقي وفي الحلقة الأخيرة ينتصر الدوسري. *الناقد المتواضع معوكس وش فيك حاط رأسك من رأس المحترفين وأبلشتهم على رواتبهم كل هذه غيرة وإلا وش نسميها؟ فيصل القحطاني- الرياض - لا غيرة ولا حاجة لكني منقهر لي 30 سنة ما وصلت راتب عبدالعزيز الدوسري وابراهيم غالب! * صاحب المليون رسالة معوكس ما تعليقك على اعتزال اللاعب الخلوق عبداللطيف الغنام؟ صديقك الدايم مسفر الدوسري - الأفلاج - صراحة بشر غرف العلاج الطبيعي اللي بتغني للغنام كل الغرف مشتاقة لك! *الزميل معوكس.. كيف ترى المنتخب بدون ناصر الشمراني في اسيا؟ محمد دهمان- مكة المكرمة - الحل عند الداهية كوزمين والصقر هزازي صاحب الرأس الذهبية جاهز! * العزيز معوكس وش تقول لبعض أعضاء الشرف في تغيير أرائهم بمجرد تغيير الرؤساء؟ صديقك - ابراهيم العميريني- الخرج - تغيير الآراء حسب الموجة وين بتروح وافهم يافهيم!