البارح أطلقت رمشي لك جنون وهيام معشوق بين المحاجر يستلذ الدفا وأشعلت لك من قناديل الرضا والغرام صباح ليل (ن) يعاند ظلمتين الجفا لاحت بروق القوافي واستراح الغمام مابين مزنة وجودك والوعد والوفا ياطول صبر الدقايق وانتظار الكلام لو يفضح الشوق لهفاته عظيمه خفا تعال واسمع عتابي قبل عيني تنام تعال شوف الضماير جرحها ما شفا والوقت مشعل حروبه في دروب السلام والحلم ماتت عصافيره بطعنة قفا ياللي غلاتك بي أكبر من قلوب الأنام أبيك تحفظ وعودك لو زماني هفا أبيك همس (ن) يداعب غربتي باهتمام وأبيك بحر (ن) على شاطيه طرفي غفا وأبيك لاغاب صوتي بين صمت وظلام تشعل مصابيح ليلي يوم نوره طفى وإن شفت خيل المفارق تستبيح الحطام والدرب خان المسافر والزمن ما صفا تلقى المشاع رمراسي والقوافي وسام صدري وطن واهجره عمر الوطن ما نفى خذ من جنون القصايد شهدها كل عام واسكن بيوت المحاجر بين رمش ودفا.
